Riba e celebracion di Dia di Alimentacion hunto cu Mercado Santa Rosa y 50 Anniversario no por a continua sin duna reconociemnto na esnan cu semper a contrubui y aporta imensamnte cu Aruba su Sector Primario. Na e ocacion aki tabata presente minister encarga cu Sector Primario di Aruba sr. Geoffrey Wever y tambe sra. Nathalie Maduro director di Departamento di Agruicultura, Cria y Pesca Santa Rosa. Ta un tradicion di Santa Rosa semper na e cocacion aki ta concidera e personanan aki como “Amigo di Santa Rosa pa nan esfurso, balentia y aporta.
Como reconocimento na e ocacion aki tabata nuebe persona cu ricibi nan reconocimento. Mayoria di nan tambe ta productornan local cu ta coopera cu Santa Rosa na cualkier momento cu nan wordo aserca y tambe ta aporta na Sector Primario.
Como “Amigo di Santa Rosa” sr. Fransico Franken un persona cu semper a aporta boluntariamente na ocacionan di Torneonan di Pesca Organisa pa Fundacion Centro di Pesca Hadicurari y Santa Rosa cu semper ta tuma lugar riba Dia di Piscado pa varios aña caba. Sr. Franken tabata colega di Santa Rosa laborando den Seccion di Pesca y cu awor ta difrutando merecidamente di su pensioen.
Otro “Amiga di Santa Rosa” cu a wordo reconoci ta sra. Rachell Peterson kende ta un productor local di diferente tipo di Mushroom. Rachell semper a coopera inmensamente cu Santa Rosa y aporta semper na Sector Primario di Aruba.
“Amigo di Santa Rosa” reconoci ta sr. Anthony Bello cu semper tey den tur Mercado Santa Rosa cu cosnan dushi manera Bolo, Kuki y Tert. Un persona balente y cu semper cla pa yuda.
Sr. Benjamin Romero otro di “Amigo di Santa Rosa” reconoci. Un persona semper alegre hunto cu su señora semper den nos mercadonan ofreciendo “Kombucha” cual ta un bebida natural saludabel combina cu ginger. Ta di admira nan forma di duna informacion di nan producto na clientela.
“Amigo di Santa Rosa” Sr. Franklin v/d Linde un Criado di bestia cu ta dispone di Cabrito, Carne, Baca y awor tambe tin un “Chicken Farm” cu produccion di Webo fresco local y semper aportanto na Sector Primario di Aruba.
“Amigo di Santa Rosa” reconoci pa su gran na Pesca engeneral di Aruba ta sr. Arthur Giel. Semper sr. Giel ta cla pa yuda y semper aportanto na Torneo di Pesca riba Dia di Piscado pa varios aña bolutariamente.
Web Aruba NV tambe a wordo reconoci como “Amigo di Santa Rosa” pa medio di sr. Alfredo Ruiz, Robert Croes y su director sr. Alfredo Koolman pa nan aporte den difernete forma na Sector primario.
Palabra di gratitud y felicitacion na tur “Amigo di Santa Rosa” cu a wordo rconoci pa medio di minister sr.Geoffrey Wever y tambe director di Departamento di Agricultura, Cria y Pesca Santa Rosa sra. Nathalie Maduro. Semper agradecido pa boso esfuersonan hasi na Sector Primario di Aruba.
