Ta cos di anhela esey ta sigur sigur mi ruman, abo mi ruman ta anhela esey? Ta bon pa tur dia di nobo nos anhela, pa sigui y sirbi Señor, paso esey ta yuda nos den e caminda di santidad paso Señor nos Dios Todopoderoso ta instrui nos pa biba un bida di santidad y nos no mester tene miedo paso Hesus a scoge nos y ta permiti nos encontra cu su amor, specialmente den e Sacramentonan, caminda Hesus ta alimenta nos cu su Curpa y Sanger y ta fortifica y capacita nos, pa asina nos cumpli cu su santa boluntad. “No tene miedo” un grito familiar di nos kerido San Huan Pablo II cu ta un berdad ora nos ta cana cu Hesus. Ruman pocopoco, nos ta drentando e dushi temporada di Pasco di Nacemento, ban humilia nos mes y somete nos mes na Amor, cu ta Hesus mes, cu ta duna nos bida anto bida na abundancia hunto cu Dios Tata y Dios Spirito Santo te den tur eternidad.
Oracion: Señor duna mi e gracia cu mi tin mester pa cumpli cu bo santa boluntad y prepara nos mes pa nacemento di bo Yui, Bienstima nos Señor y Salbador Cristo Hesus. Amen.
