Rumannan den e lectura y Evangelio ta pone nos para keto riba e bida cu nos tin di biba y traha pe. Den e lectura Pablo ta splica nos con tin hende ta biba manera enemigo di e cruz di Cristo. Nan lo caba den perdicion pasobra nan ta biba pa cosnan di mundo. No laga cosnan mundano kita bo bista for di e bida cu Cristo a prepara pa nos den shelo. Den e Evangelio tambe bo por mira mescos a pasa cu e administrado di e homber rico. Door di tin e biennan di e homber rico e tabata gasta esey na cosnan di mundo. Den bida diario tin hopi hende ta inverti den carera, nan placa, nan seguridad, pero cuanto tempo nan ta inverti den nan bida spiritual? No laga nos core tras di cosnan di mundo sino traha riba nos bida spiritual pa asina nos por drenta e reino di Dios.
Oracion: Señor duna mi e sabiduria pa biba cu bista riba Bo reino. Yuda mi uza tur loke Bo a duna mi pa bon di otro. I keda firme den Bo, te dia Bo transforma nos den Bo gloria. Amen.
