Benny no mester duna cuenta na Speed cu Patrick Paskel sino dilanti mesa berde

Parlamentario Endy Croes: CARA CARA pa SANTO PATIA
Benny no mester duna cuenta na Speed cu Patrick Paskel sino dilanti mesa berde

Parlamentario Endy Croes a tuma nota di un media show cu 24ora.com hunto cu Speed y Patrick Paskel kier monta bou di e number “CARA CARA”. Kisas mester ahusta e number “CARA CARA PA SANTO PATIA!” Akinan e dos tiponan cu a strica mas di 8 miyon florin di pueblo bou di e gobierno anterior esta Speed y Patrick Paskel kier hasi un show pa brinda Benny e
oportunidad di “play” inocente.

Nan kier logra dos cos. Uno balansa e critica nan fuerte di corupcion contra AVP almomento y alaves nan kier purba atraves di laga Benny papia e purba defende su mes publicamente. Ningun di dos obhetivo lo wordo logra ni cuanto programa nan bin cune. Benny ta sospechoso di husticia pa 5 encargo criminal hopi pisa entreotro Fasificasion, Soborno, Mal uso di Poder, labamento di placa pa nombra algun. Tur personanan cu tabata den e “clan” di Benny lo wordo interoga y hopi a cuminsa cay sera. Mesun modus operandi cu Leoncita Arends di canal 90 tabata usa den tempo di su gloria. Bay radio habri microfono pa laga pueblo lastra MEP y asina kita tur atencion di pueblo pa Leoncita cu ayudo y cooperacion di Benny masacra terenonan di e pueblo aki pa yena nan cartera.

Email nan di Leoncita pa hefe di kantoor di Benny ta papia kla:

Benny willens en wetens tabata malusa su poder pa complase un grupo previlegia cu tabata pidi tereno, haña tereno door di Benny pero almismo momento tabata tin un comprador caba enespera y aki Benny ta bolbe coopera pa permiti e transferencia di sharesnan di e NV cu e mes a duna e tereno pa enrekese su amigo y amiga nan di cas. Asina por corda e email( cu a wordo
publica caba den Leoncita Leaks) unda Fredric Every Chief of Staf di oficina di Benny ta manda informa Leoncita cu lot nummer 143, 144, 145 y 156 na Barcadera cada un ta 5000m2 ta kla. Textualmente e email ta redacta “mi a bisa Benny y Franklin pa wanta #143 pa BO”. Lagami sa si ta bon, y cuminsa cu traha Bo carta y haci un peticion oficial na DIP. Pues Chief of Staf di e
Realestate di tereno den Cocolishi tabata manda emailnan asina pa Leoncita. Asina e wega aki tabata wordo hunga. Awe Benny kier bin yora den Cara Cara hunto cu Speed y Patrick cu e ta santo? Santo pero na Santo Patia!

/// No ta den CARA CARA bo mester defende Bo mes pero dilanti Mesa Berde:

No ta dilanti Speed cu Patrick Bo mester defende Bo mes sino dilanti mesa berde. Speed cu Patrick a cobra 8 miyon serca Bo propio gobierno, mas 600 mil na Utilities, 500 mil na RDA ( sin contract) pues ta mas cu claro nan ta defende Bo pa asina crea e oportunidad pa sigui ranca placa di pueblo den futuro. Pa e motibo aki AVP no por bin bek. Mucho carpata kier cologa riba
lomba di baca pa chica e pueblo inocente. Enbes di perde Bo tempo Benny den programanan

publico cu dos otro atracador di pueblo, mihor Bo prepara Bo mes pa defende Bo pejeho dilanti Hues. CARA CARA pa Santo Patia!