E amor cu mi ta papia di dje ta nifica cu nos ta biba segun Dios su mandamentonan. E mandamento manera boso a tende for di cuminsamento ta pa boso biba den amor.2 Huan 6

Mi rumannan, Amor di Dios pa nos, Amor cu nos mester tin pa Dios y Amor cu nos mester tin pa otro. Dios ta Amor. Dios ta duna prueba di su Amor. Pasobra El a manda su Yiu pa nos biba. Pa pordona nos picanan. Ata con Hesus a siña nos kico ta Amor. El a entrega su bida pa nos. Asina nos tambe ta obliga di entrega nos bida pa nos rumannan. ( 1 Huan 3,16) Nos ta stima pasobra Dios a stima nos prome. Esun cu ta stima Dios mester stima su ruman tambe. Esey ta e mandamento cu nos a haya di djE. Biba den Amor, tuma ehempel di Cristo cu a stima nos y a entrega su bida pa nos. Como un sacrificio cu ta hole dushi un ofrenda cu ta agrada Dios.

Oracion: Señor yuda nos pa cumpli cu bo ley y mandamentonan pa bay nos y nos decendientenan bon. Yuda nos stima nos mes y pa nos imita bo Amor cu ta pa eternidad. Amen.