Den e parabola di e talentonan Hesus ta conta nos di e donnan cu hende ta ricibi di Dios. Tur persona tin un cualidad, e ta ricibi algun don of sa algo cu e por siña otro. Ningun hende ta solamente alumno, ni profesor. Nos ta siña for di otro. E yabi pa compronde e parabola.Lucas ta destaca tres motivacion cu a pone Hesus conta e parabola. a) e acogida cu mester duna esnan scogi. b) cerca di e pasion, morto y resureccion. c) e yegada ’inminente’ di Reino di Dios. Den e inicio di e parabola:”El a bisa cu un homber noble a bay un pais leu pa ricibi su condecoracion real.Lucas 19,15-19:Dunamento di cuenta di e prome empleadonan cu a ricibi 100 moneda di plata. Y ta compensa nan segun nan rindimento. Tanto Herodes Magno y su yiu Herodes Antipas tawata sa con pa trata cu placa y promove e personanan cu a yuda nan. Despues ta sigui dunamento di cuenta di esun cu no a gana nada.Lucas 19,24-27: Conclusion pa tur. Den e simbolismo di e parabola, e monedanan di plata ta propiedadnan di reino di Dios, esaki ta loke ta pone hendenan crece y revela e presencia di Dios: Amor,servicio y comparti.

Oracion: Alaba Dios den su santuario, alab’E den su poderoso firmamento, alab’E pa Su hazañanan grandi. Amen.