Ta posibel cu un cuidadano por vota AVP ainda?
Parlamentario Endy Croes a tuma nota cu AVP ta campañando cu hopi buya. Ta drenta districtonan cu musica bailando manera nada no a pasa. Con un hende na su sano huicio por vota AVP ainda? Practicamente imposibel.
AVP a redobla e debe di pais:
AVP a redobla e debe pais Aruba. Na 2009 momento AVP a tuma over gobernacion esaki tabata 43% mientras ora nan a sali di gobierno na 2017 a laga esaki na 93%. AVP a redobla interes cu ta paga riba placa presta y esaki a alkansa 232 miyon pa aña igual na 635 mil florin pa dia henter aña. Mike Eman a grita den Parlamento cu e ta orguyoso di e debe y e debe tey pa nos tur bay page den futuro. Benny Sevinger a grita den Parlamento I dont give a damn! Esaki ta hendenan cu mester haña un di dos oportunidad?
AVP Univesidad di corupcion:
Desde aña nan 90 AVP ta conosi pa manipulacion y corupcion. Su x Lider Henny Eman tabata dilantio mesa berde pa diferente acusacion. Su siguiente Lider Tico Croes a wordo condena pa corupcion. Nos no por lubida e casonan di Fondo di Desaroyo. Gaby Werleman x candidato di AVP actualmente tras di trali pa corupcion. Paul Croes x minister di AVP condena pa 4 aña di prison mas 10 aña cu e no por subi ningun lista politico. Pronto huesnan den Hoge Beroep lo reconfirma e sentencia aki. Benny Sevinger sospechoso pa 5 encargo den e caso di corupcion di mas grandi den historia y pronto lo mester duna cuenta. Amigonan di Benny y sostenedornan fiel di AVP sera manera Leoncita ta sera na santo patia (KIA) den caso di corupcion. Un meneer Abbath amigo intimo di Benny tambe ta sera. Falta algun mas pa Ministerio Publico pasa piki. Banda di tur esaki rapport Forensico di RDA a bin kla cual a ilustra cu a malgasta 21 miyon florin. Richard Arends candidato di AVP ta e hoofdrol den e caso aki. El a paga su mes 500 mil florin. Donny Rasmijn otro candidato di AVP a fix su casa cu trabou den RDA kende a lanta un compania y tambe a cobra sumanan exorbitante. Patrick Paskel y Speed sostenedornan fiel di AVP y amigo di cas di Mike Eman tambe a cobra 500 mil sin nunka a firma un contract. Entre otro 100 mil den 2 dia pa un proyecto spirito. Recibo di 10900 florin pa huur toilet portatil. Aparentemente toiletnan di “oro”. Hopi tristo! Ministerio Publico awor apenas lo cuminsa cu investigacion riba RDA. RDA mester un clean up.
Pues esaki ta algun casonan di corupcion hopi severo cu a tuma lugar y husticia ta mannan jen cu tur locual AVP a orchestra. Bale la pena ainda tira Bo voto pa AVP?
Sea consciente 25 di juni proximo:
Dia 25 di Juni proximo vota consiente. Puntra Bo mes kiko Bo kier pa Bo pais. Puntra Bo mes kiko Bo kier pa bo propio juinan. Kiko ta e gerencia cu abo kier contruibi na dije pa un mihor futuro. Pone den balansa tur locual AVP a hasi contra e “hechosnan” di Evelyn Wever Croes kende mester a atende un pueblo den un Pandemia mundial nunca bisto. Puntra Bo mes kende realmente mester di un oportunidad. Mike Eman cu tur locual el a hasi of Evelyn Wever Croes kende realmente a atende Aruba y pueblo na un manera spectacular mei mei den un crisis. Wel e potlood cora ta den Bo man 25 di juni proximo. Sea consiente y vota consiente. Aruba ta conta cu Bo paso Cu Bo Aruba ta Avansa!
