Hesus ta contempla e ciudad sagrado y ta profetisa su destruccion pasobra e no a reconoce e tempo di su salbacion. E ta yora di dolor y compasion pa e rechaso di e ciudad y e sufrimento cu e lo trece cu ne. Herusalem ta nifica ciudad di paz pero Hesus ta lamenta cu su habitantenan no a comprende loke berdaderamente por conduci na e paz cu E tawata ofreciendo a traves di su mensahe. Dios tawata presente meymey di nan ofreciendo gracia y conversion pero e curason di e pueblo tawata cera. Ta duel Dios ora e ser humano ta rechasa e paz y amor cu E ta ofrece gratuitamente. Dios ta desea di bishita nos awe pa nos habri nos curason pa converti. Paso mañan no ta sigura. Pa nos tin paz berdadero nos mester tin un actitud di scucha y acepta e presencia di Dios den nos bida. Ruman si awe Dios bishita bo, bo ta dispuesto pa habri bo curason y reconoce como Bo Tata Dios?  

Oracion : Mi Señor y mi Dios habri e horea di mi curason pa mi por scucha y acepta Bo como mi unico Señor y Salbador. Pa mi por converti y ricibi e gracia, e paz y e amor cu Abo so por ofrece pa medio di Cristo nos Señor. Amen.