Abogado di Parlamentario Benny Sevinger a declara recientemente na 24ora, cu e acusacionnan cu tin riba mesa contra Benny ta grave. Entre otro ta acus’e di ta meti den un organisacion criminal, di a cumpra empleado publico, di a falsifica documento, di a faborece otro pa haya fabor a cambio.
Abogado David Kock a splica cu esaki ta e acusacionnan cu tin contra Benny y cu e investigadornan a haci hopi hopi trabao di investigacion y nan tin hopi material, cu awor nan lo bay confronta Benny cu nan.
