Caribbean Trucking Company N.V. por a tuma nota di un declaracion hasi pa parlamentaria Daphne Lejuez caminda e ta hasi algun pregunta na Prome Minister Evelyn Wever Croes referente e operacion di Incinerator na Parkietenbos. Hunto cu e pregunta nan e parlamentaria ta hasi un declaracion incorrecto referente CTC su trabao na Seru Theishi. Bisando cu CTC a hasi un mal trabao na Seru Theishi jenando baliña nan. NUNCA tabata CTC su tarea pa jena ni dera e baliña nan.
Jenamento y ponemento di e baliña nan SEMPER tabata responsabilidad di ECOGAS, deramento tabata di otro compania nan ariba instruction di SERLIMAR.
Seru Theishi, e funcion di Caribbean Trucking na Seru Theishi tabata di coba cu Escavator ariba instruction di Serlimar. Caribbean Trucking NO tabata na ningun momento responsabel ni tabata tuma decision nan referente e control di e operacion. Serlimar tin un beheersplan y de acuerdo e beheers plan instruction nan tabata mester wordo duna na tur contratista ariba Seru Theishi, dus no solamente na Caribbean Trucking. Dus tur instruction tabata wordo ricibi diariamente for di Serlimar y tur tres (3) contratista tabata ejecuta esaki nan.
CTC Caribbean Trucking Company N.V. na ningun momento tabata dera ningun sushi, unicamente tabata coba e buraco nan pa dera sushi ariba instruction di Serlimar.
Na tur momento e responsabilidad a keda di Serlimar.
Lo ta bon pa Sra. Lejuez como parlamentaria busca e informacion correcto prome cu e bay prensa y daña nomber di un compania nettamente Arubiano.
