E fin di siman aki ta uno special pa e deporte di atletismo. Diasabra, 26 di juni pa 4’or di atardi ta duna start oficial na e di 58 edicion di Harry Janssen National Championship, organisa pa Aruba Athletic Federation.
E evento lo tuma lugar na Compleho Deportivo Guillermo Trinidad caminda lo desplega diferente disciplina di “Track and Field”. Tambe tin “Throwing Events” na Centro Deportivo Betico Croes. Diadomingo cuminsando pa 4’or di atardi lo continua cu e diferente disciplinanan y cu ta conta cu mas di 80 atleta.
Di parti di e directiva nobo recien elegi 15 di juni ultimo, ta extende un cordial invitacion pa tur mayor, famia, amigo y henter e pueblo di Aruba bin apoya nos atletanan of simplemente bin pasa, sinti un poco di e ambiente deportivo y keda inspira pa participa na e deporte aki tambe.Suzy Maduro
Motivational Speaker, PR & Communications Consultant
