Palm Beach – E isla di Aruba semper tabata tin speransa y tabata sigur cu tur cos lo bay bon durante ultimo 15 luna, cu fe cu tur cos lo recupera. E pregunta tabata ta: con lihe?
Despues di tres luna di lockdown completo, Aruba a habri su portanan bek pa turismo na Juli 2020, y bishitantenan poco poco a cuminsa bini bek nos One Happy Island.
Siman pasa diabierna, Hilton Hotel Aruba Caribbean Resort & Casino orguyosamente a celebra nan 100% occupacion, casi un aña despues di nan reapertura post lock-down aña pasa. Esaki a tuma luga den un fase di recuperacion mas rapido cu a wordo premira. Un tremendo sentimento pa e resort su empleadonan y miembronan di team, cu hopi gana di yama bon bini atrobe na nos bishitantenan, na nan hogar leu for di cas.
Reconociendo e sosten valioso di e miembronan di e team na tur nivel di e operacion, General Manager Vasco V. Baselli a bisti su apron di chef anto dirigi su mes na e cushina.
Ki miho manera pa mustra aprecio, cu un tremendo cook-out lunch?
Baselli, a haci esaki un tradicion pa cushina pa e miembronan di e team riba ocasionnan special, anto e proyeccion di 100% recuperacion ta sigur un di nan. Riba e menu, dos faborito grandi, Piri Piri Chicken y Grilled Ribs, hunto cu un tangy, homemade BBQ sauce, y Baselli su receta special di baked beans, kende e ta duna credito na su mama p’e.
Miembronan di e team a disfruta di nan lunch na nan cafeteria, sintiendo un satisfaccion enorme den cuadro cu e regreso di capacidad completo mientras cu cifranan di occupacion pa futuro ta permanece di ta hopi positivo.
E resort a logra mantene tur nan miembronan di team y empleadonan durante e pandemia.
Den e imagen aki por mira e lunch di aprecio na empleadonan, cual a wordo organisa den e cafeteria.
