Awenochi ta inicia e di dos parti di campeonato di baseball di grandes ligas, despues cu all star game a tuma lugar, ekiponan tabata tin un dia mas di descanso pa asina ranca sali cu e di dos parti, y e di dos parti lo inicia den un manera hopi interesante.
Dos rivalnan di tur tempo ta topa otro awenochi den Yankee Stadium na Bronx, New York.
Boston Red Sox kende ta puntero di division east lo topa cu New York Yankees cu ta na di cuater lugar den division east.
Boston Red Sox no tabata favorito e aña aki pa competi pa e prome puesto, pero tin un dicho ta bisa cu den baseball no tin nada skirbi, mientras cu New York Yankees a inicia e campeonato cu expectativanan hopi halto, pero te na e momento aki no a haya su mihor version den e campeonato aki, perdiendo weganan decisivo.
Den e campeonato aki, ambos ekipo a enfrenta otro 6 biaha y tur 6 wega a wordo gana pa Boston Red Sox, despues di a perde 12 wega sigui cu ekipo di New York Yankees.
E serie aki lo ta uno hopi decisivo, si Boston Red Sox mantene su racha di victoria lo bay haci dificil pa New York Yankees yega cerca pa e resto di campeonato, di otro banda si New York Yankees reacciona y kita 2 wega for di Boston Red Sox, nan lo posiciona nan mes pa duna bataya pa resto di temporada.
Fanaticonan keda pendiete pa e serie aki y busca bo Solo di Pueblo y keda bon informa di campeonato di baseball di grandes ligas.
