Campeonato di baseball di grandes ligas (MLB) a continua y e wega di siman tabata entre Philadelphia Phillies cu a enfrenta Washington Nationals.
Ekipo di Philadelphia Phillies a presenta cu Spencer Howard como nan pitcher habridor, mientras cu Washington Nationals su pitcher habridor tabata Joe Ross.
Un wega hopi interesante, prome 3 inning nan, ningun di dos ekipo a logra anota careda, pero den cabez di cuater inning, ofensiva di Washington Nationals a rally pa score un total di 4 careda pa asina bay ariba 4-0.
Den bom di 6 inning, Philadelphia Phillies a reacciona y ta logra anota 3 careda y asina corta ventaha cu score di 4-3.
Den cabez di 9 inning, Washington Nationals ta logra anota 1 careda mas pa asina haci e wega 5-3 y tabata mustra cu e careda aki lo por a pisa pa Philadelphia Phillies.
Den bom di 9 inning, Philadelphia Phillies no a entrega y ta logra pone 2 coredor na base pa asina Andrew McCutchen bin tuma turno y cu un batazo grandi ta conecta homerun pa asina laga Washington Nationals den terreno y bay cu e victoria cu score di 6-5.
Philadelphia Phillies a score un total di 6 careda, a bati 11 hit y a comete 1 error, pitcher ganador a resulta Archie Bradley, mihor bateadornan pa Philadelphia Phillies a resulta Jean Segura, Andrew McCutchen y Didi Gregorius cu a bati 2 hit den 4 turno.
Washington Nationals a score 5 careda, a bati 10 hit y no a comete error, pitcher perdedor a resulta Brad Hand, mihor bateador pa Washington Nationals a resulta Tres Barrera cu a bati 2 hit den 3 turno na bate.
