Patrick Paskel y Speed a atraca 8 miyon di caha di pueblo y kier dirigi politiek na Aruba
Parlamentario Endy Croes ta lamenta masha hopi con (2) periodista kendenan a atraca caha di gobierno pa un suma di 8 miyon florin bou di gabinete Eman 1 y gabinete Eman 2 awe ta grita y hasi tur sorto di boroto pa trese instabilidad politico den un isla cu asina tanto reto. Aruba ta traspasando den su momentonan mas critico den su historia. Promer Minister a atende cu e Pandemia aki na un manera diligente y ta riba e caminda corecto drentando e fase di recuperacion. Hendenan manera Patrick Paskel y Speed Andrade cu a cobra of a “horta” e pais aki na un manera kisas “legal” sin escrupolo un suma di 8 miyon florin na propaganda. Net nan kier lanta tur dia cu un storia alrespecto pais Aruba.
Adhunto nos ta manda algun cobransa pa recorda pueblo:
Adhunto algun cobransa di Patrick Paskel di Tera Group unda ta ilustra con Patrick cu bendicion di Mike Eman tabata aranca miyones di e pueblo aki pa nan propio cartera. Asina tin hende cu a inventa “media monitoring” pa monitoria y graba tur radio y medianan kiko nan ta papia di gobierno di AVP e tempo aya. Pa esaki nan tabata cobra miyones. No mester lubida cu e mesun tiponan aki a hinka nan man den Ultilities pa 500 mil, HORTA den RDA otro 500 mil sin contract, strika den Lotto y AVB mas di 500 mil. Pues habraca nan a habraca cahanan di pueblo. Awor e cabuya di “horca” ta pretando nan garganta y cranchi a sera nan a cuminsa dal saltonan mortal cu tur sorto di critica. hasta lembe nan ta lembe na manera fini awor pa cu e proximo gobernacion. Te hasta riba Ministerio Publico nan ta calumnia. Ta bon pa hustamente Ministerio Publico tira un bista mas di aserca riba cobrannsanan di companianan Tera Group , Paxi (ambos di Patrick Paskel), Paparazzi di Speed y diferente otro companianan di e “tiponan” aki. Na un manera di sinberguensa nan a aranca masha hopi placa di pueblo. Ta pa e rasonan di a cobra sumanan extravagante na e manera di abusador e dosnan aki ta defende Mike Eman y AVP a costo di tur cos. Por ehempel werksternan ta pasando den angustia y e placa cu Patrick cu Speed a ranca for di caha di pueblo por a garantisanan 8 aña di salaris y trankilidad. Asina por sigui riba e dos locutornan cu ta kere cu Aruba ta di nan so y ningun ni husticia lo por persigui nan. Den e temponan actual cu Aruba ta traspasando hendenan negativo asina manera Patrcik y Speed mester keda leew di tur gobernacion y sigur leew di e caha di pueblo pa Aruba por recupera Croes ta termina bisando.
