ORANJESTAD – Campeonato Liga 40 organisa pa Criollo Reds Softball team a continua wekeend pasa
riba veld di Olimpic.
Leftovers ta derota Piratas 8-7 den un tremendo partido. Leftovers 8 careda, 10 hit, 3 error. Piratas 7 careda, 11 hit, 2 error. Raymond Maduro ta bay cas cu e victoria riba su nomber mientras Angel Arias ta conforma su mes cu e derota.
Mihor bateadornan pa Leftovers ta Carlos Croes 2-2 cu un cuadrangular, Danilo Solognier 3-2, Bryan Elisabeth 2-1 y Melanio Albertus 3-1 cu un homerun. Pa Piratas a destaca cu e madera na homeplate Francisco santana 3-3, Leonilo Cocom 3-2, Angel Arias 2-1 y Franny D’Oleo 1-1.
Den un siguiente wega Quisqueya ta celebra nan victoria 9-7 riba Survival. Otro tremendo partido. Gregory Paulina ta resulta pitcher ganador y Tico Danies ta bay cas cu e derota. Quisqueya 9 careda, 10 hit, 2 error. Survival 7 careda, 11 hit, 1
error. Mihor bateadornan pa Quiaqueya ta Modesto De la Cruz y Alejandro Reyes ambos di 3-3, Juan Jesus Chirino 1-1 y Armando Chacon di 2-1.
Pa Survival a destaca na plato Francis Krozendijk 3-3, Angelo Laurant 2-2, Jeromin Kelly 3-2 y Richard Simon 2-1. Den e
ultimo wega di dia organiosadornan di campeonato Liga 40 Criollo Reds ta deroa Macuarima 5-1. Marlon Lampe ta gana e partido y Elvis Maduro ta resulta pitcher perdedor. Criollo Reds 5 careda, 11 hit, 1 error. Macuarima 2 careda, 10 hit, 3 error.
Mihor bateadornan pa Criollo Reds ta Emilio Berlis 3-3, Randolph Berry y Marlon Lampe ambos
di 3-2, Rene Samson di 2-1. Pa Macuarima a destaca na bate den causa perdi Alexander Thiel, Wilfrido Kock y Jesus Thode tur di 3-2, Hugo Santos a bay di 2-1.
Campeonato di Liga 40 ta continua diadomingo awor cuminsando pa 10 am riba veld di Olimpic den curason di Sta Cruz.
