ORANJESTAD – Diaranson parlamento di Aruba a trata un ley cu ta regarda asuntonan di control di placa, labamento di placa, unda pais Aruba mester cumpli cu ley, pa asina evita di bay riba “black list”.
Parlamentario Endy Croes a probecha e oportunidad cu Banco Central ta den Parlamento di Aruba pa haci algun pregunta riba e transferencia bancario di Roberto Rincon, cu a deposita varios ves 50 mil dollar riba cuenta di Mike Eman.
Con ta posibel cu Mike Eman ta ricibi placa di un mafioso Venezolano, cu a soborna tur hende, empleadonan di PDVSA, politiconan, etc.etc, pe por a cobra mas di 1000 miyon dollar?
Y ta net cu Robert Rincon tin un potret unda e ta sinta ta come na mesa cu Mike de Meza.
Sinembargo, kico a bay robes, cu e transfer aki? Dicon Banco Central no a “‘red flag” e transferencia aki? Unda e control a keda? Kico a bay robes?
Pasobra, por nota cu nada no a sali di e caso aki. Pues, tur hende ta keto!
Mas cu claro, Mike Eman a bandona sala di parlamento ora Endy Croes tabata hiba palabra. Claro, e no por enfrenta e realidad ora e tabata tuma placa na gran cantidad, placanan mal haya for di PDVSA.
Fundacion Mike Eman a wordo usa pues la laba placa di Roberto Rincon unda di otro banda e tabata por a ricibi cantidad di fabornnan di gobierno di AVP. Ta spera cu Banco Central por ta transparente y sali dilanti y bisa kico a pasa y kico nan lo bay haci cu e 50 mil dollar di Roberto Rincon pa cuenta di Mike Eman.
