Aruba a conoce diferente Gobierno, pero nunca un mes ladron cu e gobierno di Mike Eman. Tempo ta mustrando cuanto baina e Gabinete di Eman a haci cu fondonan di pais Aruba. Manera hendenan sin tino, nan tabata lanta mainta pa horta pueblo y durmi anochi ta sigui strategia con pa horta pueblo.
Si nos mira awe, cuanto caso tin bao di investigacion, nos ta keda teriblemente decepciona con e grupo di Mike Eman por a bira minister te goberna e pais.
No tin ni 1 minister di Mike Eman su gobierno cu a scapa di baina. Siman pasa Paul Croes tabata den corte, unda e ta admiti su error y awor e ta dicidi pa distancia di politica y nunca mas bolbe subi lista politico.
Djey ta e hortamento di Benny Sevinger, unda apesar cu e tabata un sospechoso di husticia, asina mes el’a wordo poni riba lista di AVP.
Ainda tin mas minister envolvi den baina, manera Mike de Meza, Richard Arends, y sin laga afor algun parlamentario y nan esposa, manera Donny cu Candy Rasmijn cu tambe ta hinca den e rapport di RDA pa a traha un video pa 99 mil florin.
Patrick Paskel, socio di Mike Eman tin e premio mayo! El’a horta mas cu tur hende, horta sin misericordia.
Awe e kier broma cu e no tin mester di ningun gobierno. Ta ken ta kere? Desde Gobierno di Eman a bay cas, Patrick no por a paga su multiple debenan. Digicel a cera su number di telefon, Irausquin a bay coy bek su Ford, e mester a baha nomber di Tera Group for di edificio pa asina sconde pa deurwaarder no por hay’e. Maltrata su empleadonan te cu nan mester a hibe corte di husticia, pa despues aparentemente e core yega na un areglo cu Sra. Conner. Medionan di comunicacion tin cuentanan habri sin fin. Pues, un rotsooi di marca mayor.
Ta increibel con Mike Eman a autorisa su socionan pa abusa di fondo publico. Cu awe e kier sinta pretende di ta limpi y cu e tin forsa, ta coy hari. Con un homber cu pata pata di debe tin forsa? Bay paga bo debe!! Nos por imagina cu loke nan kier ta pa Mike Eman bolbe drenta Gobierno pa asina nan por bolbe cobra 150 mil florin pa luna, ranca di tur skina di Gobierno.
