E prome dia di scol, directorado di Filomena College Mavo Raquel Lampe y Joraine Oduber, a lansa e jingle y videoclip nobo di e scol. E aña aki e scol ta celebra 75 aña di existencia y esaki tawata motibo pa un jingle nobo.
E jingle a ser canta pa e alumno Yetzenia Martines cu acompañamento di David Castro “DASTRO” y e alumnonan Nashawn Tucker y Jason Diaz. E areglo tawata di ex-alumno y musico Rygel Isabella.
E videoclip a ser gusta y den su salida el a logra di biaha 3000 views (3K). E por ser mira riba Facebook page di Filomena College Mavo. E clip tawata den man di PALMS UP RECORDS di Michael Lampe. Alumnonan talentoso y sonriente ta aparece den e videoclip.
Directorado y tur alumno ta masha agradecido na tur cu a yuda cu e dedicacion incondicional aki pa Filomena Mavo.
