E ta critica un landsbesluit traha dor di Mike Eman su lider
Diabierna ultimo, parlamento di Aruba a trata e credencialnan di e ministernan nobo y nan a ricibi un nota for di Gobernador di Aruba, indicando cu e coalicion cu ta bay huramenta a cumpli cu screening. Esaki no ta un proceso nobo ni tampoco desconoci. Na September 2013, Mike Eman a firma un landsbesluit pa screen candidatonan y desde e momento ey tur candidato a wordo gescreen di acuerdo cu e landsbesluit.
Rycond Dos Santos awor a start un crtica riba e proceso aki, keriendo cu ta MEP of Evelyn e lo ta criticando. E ta asina sabi, cu e ni tabata sa cu ta Mike Eman e ta criticando y cu su critica e mester hibe na cas di partido AVP. Desde September 2013, tin un Landsbesluit cu ta dicta cu screening di ministernan ta algo secreto of confidential y cu ni formador, gobernador of candidato mag di papia riba dje. Si nan haci esey, nan ta pecando contra di e LB, cu ne momento ey te ley cu ta na vigor.
E ta comprondedibel tambe dicon e ta asina, pasobra mas cu claro, tur hende tin derecho di privacidad y tin leynan international cu ta dicta esey. Pues ta realmente un berguenza pa un persona cu a gana e titulo den comunidad di ta masha experto, y masha sabi, no por a pensa mas lew cu su nanishi, y bin lansa un critica cu ta enmpugna cu derecho di privacidad. No ta mucho luna pasa, cu huez mes a dicta, cu Censo no mag di entrega na partido politico nomber di votadornan, ni nan adres, pasobra esey ta kibra nan privacidad.
Awor, ta con por ta cu Rycond Dos Santos, ta hammer su critica, asabienda cu tin derecho di privavidad cu ta prohibi cualke instnacia pa hisa benta informacion di un persona den publicidad? Ni cu ta un funccion publico, no por viola e derecho aki. Pues, Rycon dos Santos no ta dje sabi ni experto ey manera e kier aparanta di ta.
