Mester screen Rycond…
Den e ultimo dianan, e cabes bashi di AVP, profesor cori di Universidad di Aruba, kier busca tur forma pa lansa atake riba su contricante politico.
Den e caso aki, ta obviamamente cu Mike Eman ta dunando e instruccion, cu e t’esun cu mester bay ataka Endy Croes cu Edmond Croes.
Wel, Rycond, nos ta deseabo tur clase di exito den e vuelo aki. Obviamente bo kier lansa tur clase di insinuacion di conflicto di interes pa cu Minister Endy Croes.
Sinembargo, bo mester por sa cu e caso di daño di perhuicio cu Endy a cuminza, no ta contra Lotto, pero contra Ernst & Young. Ademas bo mester por sa tambe cu Lotto keto bay ta bao control di AVP. E miembronan di bestuur tin 12 aña sinta den Lotto, y a haci imposibel pa cualke Minister por a hiba su vision.
E mes un bestuur di AVP a regala e operacionnan di Lotto na Canada, pa cual Canada ta cobrando 86 miyon florin di deporte. Nunca a tende Rycond bisa algo di e 86 miyon cu Canada ta cobrando.
Pero Rycond ta masha precupa pa e caso cu Endy Croes a cuminza contra Ernst & Young, despues di a gana nan den hogeraad na Hulanda, unda nan a traha un rapport falso, conteniendo mentira.
Endy Croes a keda 8 aña na cas, sin por haya trabao, pasobra Ernst & Young a attacha su imagen. Ademas mester a paga cientos di miles di florin na abogado pa bringa su caso, pa asina corigi mentira. Cu Endy a exzigi un daño di alrededor 3 miyon florin, esey ta pa Ernst & Young paga. Huez lo mester dicidi.
Ta bira ora pa Rycond cuminza precupa su mes cu e atraco cu AVP a comete riba Lotto, entregando di 2011 te cu 2019, 86 miyon na Canada.
Pues, enbes di perde mas tempo pa keda zeur riba Endy Croes, ta mihor pa nos cuminza screen Rycon, y ta dicon nan a skop afo e di Universidad di Aruba?
