Minister di enseñansa a informa dialuna mainta cu diamars dia 5 di October, e lo hiba pa ministerraad e proposicion pa crea un comicion, forma pa varios stakeholders y pa experto, cual den 30 dia mester bin cu un solucion riba e problema di werkster si SKOA den cuadro di ley.
E comicion ta forma pa SKOA, FINANCIEN, DWJZ, CAD, y cu dos experto apunta pa Ministerio di enseñansa.
E solucion mester ta uno practico, sostenibel unda werksternan por ta trankil, pero cu mester ta den cuadro di ley, pasobra no por sali pafor di e cuadro di ley.
Tin un suma den disputa cu ta di 5,4 miyon florin, cu ta di primanan di belasting, cual e comicion mester trece claridad riba e suma y con pa atende cune.
Minister di enseñansa a bisa; den alrededor di 30 dia mester tin un conseho pa soluciona e problema.
Nota di redaccion: Manera ta conoci, Gobierno di AVP a tuma varios desicionnan cu ta contra ley. Pesey mes tin sentencianan di huez, cu ta bisa cu Mike Eman a actua robes. Esey no kemen cu no mester bini cu un solucion na un otro forma cu lo mester trece trankilidad bek pa e werkesternan.
