Diahuebs anochi, ultimo wega di serie di division di baseball di Grandes Ligas a tuma lugar unda cu San Francisco Giants a enfrenta Los Angeles Dodgers pa mira kende lo pasa pa e final di Liga Nacional di Baseball di Grandes Ligas.
E serie entre e dos ekiponan aki tabata empata 2-2 y ganador lo sigui mientras cu perdedor lo keda elimina.
Ekipo di San Fancisco Giants a presenta cu Logan Webb como nan pitcher habridor mientras cu Los Angeles Dodgers a presenta cu Corey Knebel.
Un wega hopi emocionante di cominenzo te final, caminda cu prome 5 inning nan no tabata tin careda, den di seis inning, Los Angeles Dodgers ta tuma ventaha cu score di 1-0, pero San Francisco Giants ta empata e wega bek den bom di 6 inning 1-1.
Den cabez di nuebe inning, Los Angeles Dodgers ta tuma ventaha cu score di 2-1 y asina ta logra mantene esaki y bay cu e victoria cu score di 2-1.
Los Angeles Dodgers a score 2 careda, a bati 8 hit y a comete 1 error, pitcher ganador a resulta Kenley Jansen, mihor bateador pa Los Angeles Dodgers a resulta Mookie Betts cu a bay di 4-4.
San Francisco Giants a score 1 careda, a bati 6 hit y no a comete error, pitcher perdedor a resulta Camilo Doval, mihor bateador pa San Francisco Giants a resulta Chris Bryant cu a bay di 4-2.
Los Angeles Dodgers lo topa cu Atlanta Braves den e revancha di Liga Nacional, aña pasa Los Angeles Dodgers a logra bay cu e serie y despues titula campeon di Baseball di Grandes Ligas.
Un cos ta sigur, lo tin un jiu di Corsow den Serie Mundial un biaha mas y den Liga Americana, si Boston Red Sox clasifica pa Serie Mundial lo tin un Arubiano un biaha mas den Serie Mundial.
Keda pendiente pa tur informacion di baseball di Grandes Ligas.
