Diasabra anochi laat, despues cu Kustwacht lo por a señala un contacto riba lama, e helicopter di polis a sali patruya na nos costanan. E señal di e contacto lo tabata probablemente na e parti Nort di nos costanan.
Den area di Daimari, e Helicopter a bula extensamente riba e area aki pero no a señala nada particular, e la bula bay mas pariba pasando riba Conchi bay te un poco mas pariba di Boca Prins. Di eynan e helicopter a subi riba lama y a bay bek direccion pabou, te na Boca Wariruri cu ta keda mas pabou di Bushiribana. E helicopter a bolbe bay bek den e area di Daimari. Nan no lo a topa cu niun boto y a regresa base.
Mas sigur Kustwacht lo a señala algo straño den lama of riba beach y cu a pidi e helicopter pa bay controla e parti nort di nos costa.
Na varios ocasion ilegalnan a yega di subi tera of actividadnan ilegal ta tuma lugar na e bocanan di nos costa norte.
