Robo di siglo den RDA ta hayando rabo largo
Hopi keho drentando di trahadornan cu a wordo maltrata
Un di e robonan grandi den RDA ta e projecto di Algen. Un supuesto yerba di lama cu mester a produci coriente.
Segun rapport forensico den RDA ta bisa:
- Rda a huur un personal for di Quest Consultanto den persona di Micheal Koolman
- Micheal Koolman a wordo busca pa su experticio di “cost controller”
- El’a wordo apunta na projecto di Algen
- Notabel ta cu Micheal Koolman no a hasi ningun sorto di cost control, pero alcontrario a bay over na malversa fondo di RDA.
- Tabata huur un generator pa 30 mil florin pa luna. Y e contract a core di un compania pa otro.
E projecto di Algen a costa nos mas di 3 miyon florin y cual nunca a resulta den nada.
Awor ta saliendo mas puito for di macuto! Hopi hende ta biniendo dilanti kehando e estilo di Micheal Koolmam cu ta experto den humiya hende, maltrata trahador, y semper ta hasi comentarionan pa rebaha hende.
Es mas, tin fuerte indicacion cu Micheal Koolman of un familiar cerca, tabata bon conecta cu un compania di security, cu despues a bira un compania pa huur generator. Ta Micheal mes tabata doño di e compania ey ?
Mas leu e rapport forensico den capitulo 4.8.1 ta menciona cu Micheal tabata cobra sumanan grandi pa su trabao, sin entrega time sheet. Ora a puntra con tabata efectua pago? Veroushka Croes a contesta: “Mondeling” den reunion. Ora a puntra pa notulen di reunion, a contesta cu no tin.
Ta ora pa Ministerio Publico cuminza aumenta su speed den e investigacion aki, pasobra ta hopi ladron tin eyfo cu mester rindi cuenta na husticia.
