Lo bay aserca Canada pa renegocia e contract actual
Den un rueda di prensa teni diaranson mainta, Minister Endy Croes a splica cu siman pasa el’a acudi na Fundacion Lotto pa Deporte, pa asina cambia e bestuur di Raad van Toezicht y instala un bestuur nobo. Esaki ta despues cu e bestuur poni dor di AVP, a sinta 11 aña. Segun Minister Croes a splica, el’a pidi Director Tuitt pa traha hopi di cerca cu e Raad van Toezicht, pa asina nan por cuminza haci nan trabao. Minister tin su vision y cual mester wordo ehecuta atraves di Raad van Toezicht hunto cu director Tuitt.
“Tin hopi trabao pa haci”. Minister Croes a bisa cu e ta biniendo den un atmosfera di paz, atmsofera pa busca solucion y atmosfera pa sirbi e meta di Lotto, esta traha e placa atraves di loteria. Lo bay aserca Canada pa asina renegocia e contract.
E ultimo añanan deporte a cay hopi atras y tur hende y pueblo ta testigo den ki estado e diferente parkenan na Aruba ta awendia.
