Queen Beatrix International Airport – Diasabra atardi varios unidad di polis a bay aeropuerto unda cu tin problema na Grens Politie.
Eynan un pasahero lo a bringa cu polis.
No tawata duidelijk na prome instante kiko lo tawata pasando y tampoco cuanto hende tawata bringando. Pa e motibo eynan a yega aeropuerto un cantidad grandi di patruya.
Transportwagen a presenta y despues di basta rato polisnan a sali cu un dama hoben den boei.
Segun informacion, e pasahero aki lo tawata bebiendo un caminda den aeropuerto y esaki a causa cu e la perde su vuelo.
Aki ta unda e muhe a perde cabes y lo a bringa cu un of mas agente di Grens Politie.
Na su salida por a mira cu e muhe tawata den boei y tawata calmo ora e la subi transportwagen.
