Manchebo Beach Resort & Spa a disfruta di un transicion suave awe, Dialuna, 15 di November, 2021,
cu un acuerdo formalmente conclui y firma, yamando bon bini na Molo Hotel Group na Aruba.
Manchebo Beach Resort & Spa, un di Aruba su propiedadnan di mas iconico a wordo maneha den famia
desde 1970, ora cu hotelero legendario Ike Cohen a cumpra e oceanfront hotel aki di 72 camber na Eagle Beach for di su desaroyadornan original, kende tabata pilotonan di KLM cu a habri e resort aki na 1966.
Durante e ultimo cinco decada e resort a sigui evoluciona den e vision di Ike den un boutique, un oasis di
wellness y trankilidad ofreciendo acomodacionnan luhoso, casul dining, servicio personalisa, tratamentonan di spa, y lesnan di Yoga, birando un faborito di Trip Advisor y Green Globe Certified, un resort sostenibel.
E famia Cohen, y representante di famia Bill Crona, a continua na desaroya y sostene e producto di vacacion Manchebo, durante añanan despues di fayecimento di Ike, contribuyendo grandemente na Aruba su reputacion di ta un destinacion top pa turista.
Trempan den 2020, net prome cu e pandemia, e famia Slominski a bin tuma nan vacacion na Aruba. Originalmente for di Poland, e famia a forma un compania hotelero dinamico den 2017. E tabata mirando oportunidadnan na Aruba, pa yuda crea su portfolio di resortnan di calidad halto den locacionnan bunita rond mundo.
Segun Lukasz Slominski, hefe di Molo Holding, e tabata canando bandi beach cu su mayornan, cumisando for di e hotel unda nan tabata kedando, anto a casualmente stop na Manchebo Beach Resort pa bebe algo. E tres Slominskis a enamora cu e beach, y e localidad, nan a comparti esaki cu nan famia y hunto dicidi di haci un oferta, agregando Aruba na nan lista di Molo Hotels su tremendo localidadnan.
Nan a tuma contacto cu Bill Crona, y mirando cu e resort no tabata pa benta inmediato, den consultacion cu rumanan Cohen, Tommy, Ree y Yvonne, kende ta envolvi cu e propiedad desde inicio pa 50 aña, e idea pa pasa Manchebo den manan di un compania di famia tabata uno hopi atractivo. E slominski’s a expresa e deseo pa tuma over e resort, incluyendo tur staffers y miembronan di maneho, pa continua na haci loke e ta haci, manteniendo e spirito di e concepto original pa e siguiente añanan, te ora bini un expansion eventual.
Famia Slominki su negoshi tabata encera muebleria, door cu Eugeniusz Slominski tabata un carpinte pa profesion, trahando muebles den su garage. E negoshi a desaroya na bira uno positivo na medio ambiente, modular, un operacion di construccion pre fabrica, y desde eynan hayando pasion pa hotels y desaroyo di hotels, e famia a haya experiencia den diseña hotel, construccion, operacion y finansas, posicionando nan mes den un bon luga pa brinda crecemento awo na Aruba.
E compania awor ta localisa na United Kingdom cu su oficina principal na Switzerland.
“Nos team multi talentoso,” Slominski ta splica, “tin e abilidad unico pa analisa y maximalisa potencial di desaroyo, como tambe mehora eficiencia operacional. Tambe, mirando cu nos ta un compania priva cu acceso na fundonan significativo, nos por haci decisionnan rapido cual ta brinda nos e oportunidad pa probecha di tur e oportunidadnan cu ta bini nos caminda.”
“Mientras nos ta poco emocional di e benta di Manchebo,” Ree Case ta expresa, “famia Slominski ta comparti varios di e qualidadnan di e famia Cohen. Nan tin un vision pa futuro, anto e resort lo grandemente beneficia di energia nobo, mientras manteniendo su vibe caloroso, personal y pacifico.”
“Nunca tin un momento perfecto pa bende,” Bill Crona ta agrega,”specialmente ora nos ta papiando di un propiedad cu tabata un parti sentimental grandi den nos bida, pero nos tin confiansa cu famia Slominski lo sirbi nos hendenan, nos isla, y nos bishitantenan, parehanan, honeymooners, biaheronan ‘wellness-conscious’ y beach lovers.”
Molo Hotels tin 14 hotel trading of bao construccion incluyendo un upscale Marriott hotel nobo den central Manchester; Courtyard by Marriott London Luton Airport; Hotel Indigo Liverpool Ropewalks; Holiday Inn Express Cambridge West; Courtyard by Marriott Edinburgh West; Holiday Inn Express Liverpool Ropewalk; Courtyard by Marriott Inverness Airport, Tapestry Collection by Hilton in Rome; y algun otro hotelnan na Poland – Sopot y Warsaw.
Den e imagen nos por mira famia Cohen y famia Slominski, pasando e yabi y deseando e doñonan nobo di Manchebo Beach Resort & Spa hopi exito y satisfaccion.
Na banda di firmamento: Grete ‘Ree’ Case, William ‘Bill’ Crona, Lukasz & Kate Slominski – hefe di Molo Holding, ruman Marcin & casa Justyna Slominski, Eugeniusz & Gabriela Slominski – mayornan di e cuater rumannan Slominski, y Edgar Roelofs, resort general manager.
