Fundacion Rancho tawata tin e placer di a haya bishita di trabou di un delegacion di “Samenwerkende Fondsen Cariben (“SFC”) di Hulanda diahuebs pasa dia 18 di november 2021. E delegacion di SFC a wordo acompaña pa e director di CEDE Aruba señor Daniël Tecklenborg.
E delegacion di Hulanda tawata consisti di Señora Lonneke Regter (director di Fonds Sluyterman van Loo), Señora Kristel Ashra (hefe di conseho di proyecto Oranje Fonds) y señora Henriëtte Hulsebosch (director di Kansfonds).
E delegacion di SFC y CEDE Aruba a wordo ricibi door di funcionarionan di Fundacion Rancho consistiendo di presidente señor Clifford Rosa, tesoreo señor Di-Stefano Wernet y coordinadora di projectonan di e Centro di Actividad Rancho señora Ginelly Quandt. Fundacion Rancho a duna un splicacion breve di e vision di e fundacion y encuanto projectonan cu ta andando na bienestar di Aruba y particularmente pa e bario di Rancho como e centro di Oranjestad.
Pa termina Fundacion Rancho ta kere den e tempo extraordinario cu nos ta bibando cooperacion local y international ta hopi esencial. Ta pesey mes Fundacion Rancho ta hopi gradicido pa e sosten financiero y e bon cooperacion di SFC y CEDE.
