Diasabra marduga Wardacosta a detecta un boto sospechoso riba lama. Mesora a activa Metal Shark pa intercepta e boto cu tawata nabega rumbo pa Arashi. Na momento cu e dos personanan riba e boto a tuma nota di autoridad, nan a purba huy y Wardacosta mester a los tiro di advertencia pa nan para e boto. Na momento di interceptacion no a haya nada illicito abordo. KPA a lanta helikopter y patruyanan di tera a mobilisa den e area pa controla.
Awe mainta helikopter di Wardacosta y di KPA a sigui buska den area y a bin topa cu algun โjerry cansโ ta drief. E barco di Marine Real Zr.Ms. Holland, cu tawata nabega den becindario a saka e โjerry cansโ for di awa y a bin constata cu tawata tin droga den esakinan. E dos hombernan cu tawata na bordo di e boto, 1 di nacionalidad Dominicano y e otro Venezolano, y e droga a wordo entrega na KPA y ta pendiente pa mas investigacion. E caso ta un bon cooperacion entre Wardacosta y KPA.Wardacosta lo sigui cu patruyanan riba lama pa asina efectua vigilancia di costanan di Aruba.
Na momento cu un habitante alerto mira un situacion sospechoso of peligroso riba lama nan por yama Wardacosta riba e number 913 of via whatsapp riba +5999 510 0913. E numbernan aki ta alcansabel di dia y anochi.
