Saliña – Diadomingo durante oranan di merdia pa atardi polisnan a bay un adres na Jaburibari.
Segun nos a compronde cu hunto cu Fiscal a busca pa un laptop.
Segun informacionnan haya, un laptop lo a wordo horta for di pareha turista. Esaki lo a wordo ge-traced pa un cas na Jaburibari.
Na e cas segun nos tin entendi ningun persona a wordo deteni.
For di e cas ey polisnan a bay Villa Floralina ex Rancho Monteblanco.
Dilanti e entrada parti drechi den mondi a bin localisa e maleta horta di e pareha turista. Departamento tecnico di polis a wordo pidi pa saca potret y tambe controla pa vingerafdruk.
Polisnan a yama e cabayero turista pa confirma cu esey ta nan maleta y despues cu tawata positivo, BFTO a bay cu e maleta warda di Santa Cruz unda cu e turista mester bay pa haya e maleta bek.
Danki Dios cu e pareha turista tawata bastante relax y te hasta tawata papia y hari cu e agentenan.
E maleta tawata mustra intacto.
