Señor Hesus a bisa den Juan Capitulo 12 vers 48 : Esun cu rechasa Mi y no ricibi Mi palabranan, tin un cu ta huzge den e ultimo dia.
Pasobra no ta cu Mi mes autoridad Mi a papia, ma e Tata cu a manda Mi a duna Mi, mandamento, kico pa bisa y kico pa papia.
Mi sa cu Su mandamento ta bida eterno, pesey e cos nan cu Mi ta papia , Mi ta papia precies manera E Tata a bisa Mi.
Mateo Capitulo 10 vers 32 ta bisa: Pesey ken cu confesa Mi dilanti di hende, esey lo Mi confesa tambe dilanti di Mi Tata cu ta den cielo. Ma ken cu ninga Mi dilanti di hende, esey Mi tambe lo nenga dilanti di Mi Tata cu ta den cielo.
Proverbionan Capitulo 13 vers 13 ta bisa:Esun cu desprecia instruccion lo paga pa esey, ma esun cu teme e mandamento lo wordo recompensa.
Oseas Capitulo 4 vers 6 ta bisa: Mi pueblo ta wordo destrui pa falta di conocemento, pasobra bo a rechasa conocemento, Ami tambe lo rechasa bo di ta Mi sacerdote, como bo a lubida e ley di bo Dios, Ami tambe lo lubida bo yuinan.
Cuater advertencia cu Señor ta duna na nos, pa nos lanta nos yuinan den caminda di Señor y pa nos como mayor sea un bon ehempel pa nan.
2 Timoteo capitulo 3 vers 1-9 ta bisa tocante e tempo trabahoso cu lo bini, y awor nos ta mira cu locual mas di 2000 anja pasa a wordo scirbi ta cumpli tur dia.
Tur hende ta papia di problema di hubentud, pero ningun hende ta papia di Dios, con nos tin di bolbe bek serca Dios, pa asina Dios tene misericordia di nos hubentud.
Ta hopi plan tin pa yuda hubentud, pero ningun caminda bo no ta tende por ehempel, ban haci tur locual ta posibel pa hala nos pueblo serca Dios.(2 Cronicas 7 :14+15)
Un banda nos tin di reconoce, cu ta trabao di cada mayor pa instrui nan yiu den caminda di Dios, palabra di Dios mester bini for di cas.( Efesios 6;1-4)
Pero ora nos como mayor mes no kier scucha, nos orguyo y nos materialismo, tin nos mara cu nos no tin tempo, den nos curazon tin hopi di mundo y poco di Dios, y esey ta hinca nos den enemistad cu Dios.
Ora nos como mayor su relacion cu Dios ta delicado, nos no por hala nos yiu su atencion pa e sigi riba e caminda di Dios.
Santiago capitulo 1 vers 21 ta bisa: Pesey poniendo un banda tur sushedad , y tur loke ta keda di maldad, ricibi e palabra cu wordo planta den boso cual por salba boso almanan.
Ora un hende ninga Hesus y Su palabra e tin di corda cu e no a ninga Hesus solamente pero tambe e Tata y e Spirito Santo , pasobra nan ta 3 den un.
E Tata a manda e Yiu pa ken cu kere den djE no bay perdi ma ricibi bida eterna.
E Yiu a bisa mi ta bay pero mi ta manda pa boso e Consolador, cual ta e Spirito Santo.
E Spirito Santo ta guia nos , y revela tur locual tin di bini(Juan 16:12+15).
Ta hopi tristo ora nos mester ignora, rechasa y nenosprecia e palabra di Dios , pasobra e tin consequencia serio pa nos hogar y nos Famia.
Sinceramente, Pastor Marcel Balootje.
