Diabierna atard den careda di 3:30 ta sosode un caso di tiramento dilanta ex Rey Hing na Pos Chikito.
Den algun minuut a yega polis di San Nicolas y mesora a cuminsa compila mas dato posibel.
E informacion principal tawata di un testigo cu net a momento eynan lo a yega e supermarket pa cumpra algun cos.
Lo tawata trata di dos auto, un Toyota Vitz y un Nissan March. E Vitz lo a ricibi impacto di bala.
Na e sitio polisnan a pone a e pionnan unda cu lo a haya un huls, y tambe pa no daña e “pistanan”.
Instancianan concerni a wordo poni na altura y locual ta mas importante autoridad tin number/nan di e autonan envolvi.
Locual e personanan aki hopi biaha ta lubida cu casi tur caminda tin Security Cameras y cu den hopi caso a sa di yuda autoridad resolve crimennan.
NOTA: E auto ariba imagen no tin nada di haber cu e caso aki.
