- Na Aruba tambe tin dos comediante periodista cu tur dia ta burla di hende!! Pagatino !!!
Dialuna anochi, durante premionan di Oscar, e actor comediante Chris Rock tabata riba esenario dunando su presentacion ora cu na dado momento el a haci e remarke den un forma di chiste, den direcion di Jada Pinkett Smith kende ta esposa di Will Smith. Su comentario tabata, cu e no por warda pa mira e película GI Jane 2. Esaki tabata refiriendo na e tiki cabey cu e dama tin cu ta mescos cu e dama cu a hunga GI Jane. E dama tin ménos cabey pa motibo di e condicion “alopecia” cu ta un enfermedad unda hende ta perde cabey. Naturalmente esaki no a cay den bon tera.
Will ku tabata presente den e sala, a lanta y no a duda pa yega serca e actor Chris y dal e un wanta, pa despues e bay sinta bek y y bisa duru pa e actor laga su casa su nomber for di su boca.
Tur hende a kere den principio cu kisas ta parti di e show, pero a resulta di ta algo totalmente di sorpresa a pasa.
Mas despues durante di e show, Will a gana e premio di mihor actor. El a pidi su disculpa pa loke el’ a haci.
Pues kico te caso?
Den e caso aki nos por mira cu jokes y chiste tin su limite y tin hende ta keda tuma, tuma, soporta, pero ta yega un momento cu nan por explota y lo regla e cuenta mano a mano. Aki na Aruba tambe tin dos comediante periodista cu a bira fies y ta haci fies tur merdia, unda nan ta ridiculisa tur hende, vooral cu meta politico. Esaki mester ta un les pe dos comediantenan bao capa di periosita, pa nan watch out nan caya, pasobra cualke rato nan ta topa cu Will Smith na Aruba. Abusa di hende no ta algo corecto pa haci, principalmente ora bo ta politiek verziek.
