Ultimo sms na Jamaloodin prome cu a mata Wiels: “Mi ta wak drechi di e peki aja pami basila kune”
Mensahe di sms tabata codifica y te cu awe Jamaloodin no por a hustfica e mensahenan
Diamars 12 di April 2022, Cassatie na Hulanda a dicta sentencia awe den caso di Jamaloodin. Dia 5 di maart 2021 Jamaloodin a wordo sentencia pa 30 aña den prison, debi cu e ta autor intelectual di morto di Wiels. Cassatie na Hulanda a atende su caso y a rechasa tur e puntonan treci pa defensa, y a establece cu e sentencia di beroep ta keda riba pia, es decir cu Jamaloodin mes ta e autor intelectual di morto di Wiels y e sentencia di 30 aña ta keda na vigor. Den e tratamento di e caso, enfasis a wordo poni riba e mensahenan di sms di Jamaloodin cu e persona cu el’a contrata pa organisa e asesinato. E mensahenan ta ilustra cu Jamaloodin tabata papia cu es persona cu mester a ehecuta e plan. Huez di Hoge Raad a pone hopi enfasis cu e mensahe di dianan 4 di mei y algun dia prome, no a wordo clarifica y ora cu a puntra Jamaloodin, el’a contesta cu e no ta corda!!! Pues e clarificacion di e mensahenan di texto a keda sin wordo clarifica y esaki ta hiba na e conlcucion cu e conversacion aki tabata codifica. Y e ultimo mensahe pa Jamaloodin, 4 di mei 2013, den hora di atardi tabata: “Mi ta wak drechi di e peki aja pami basila kune”, indicando den un comunicacion codifica, cu e lo busca drechi di Wiels pa mat’e”. Cu e sentencia di 12 di April 2022, e caso a yega su final y tur acusado awor ta sentencia.
