Dialuna 11 di April husticia a wordo celebra pa Patrick Farro, ora cu el’a ricibi un carta di Ministerio Publico, cu ta liber’e di tur acusacion haci den su contra. Un tersho di nomber Gregory Zievinger a lansa storianan infunda, sin base y calumnioso den su contra, y cu despues di un investigacion riguroso di husticia, nan a bin constata cu e acusacion di Gregory Zievinger no tin base. Ta increibel con tin hende cu kier frega otro. Patrick Farro, masha pabien cu e noticia aki. Desde day one Patrick Farro a bisa cu e acusacion ta falso y awor husticia a vence! Tin hende cu no no sa e daño cu nan ta causa na otro dor di fabrica storianan! Dios libra nos di hende malo cu nan unico meta ta destrui otro pa kisas nan por subi. Mas cu claro, sigui tene fe den señor nos Dios y celebra e noticia den seno di famia. Acusacionnan asina no ta nada normal pa haci y mas leuw mester puntra: Cu ki obhetivo? Ta spera cu Gobierno tene bon cuenta cu sorto di hendenan asina, cu unico cos cu nan tin ta lenga di candela.
