Cu e Pieter van Vollenhoven prijs y e condecoration di tres persona di San Nicolaas como Lid in de Orde van Oranje Nasau San Nicolas ta aportando na su historia intagibel. Lilly Marlene Peterson MA como museologo a aporta na e historia special aki. Cu e articulo aki e kier comparti un parti di su investigacion cu bo persona.
Uncle Louis Store na San Nicolas Aruba ta e prome edificio di un isla Caribense di e Reino Hulandes pa ricibi e Pieter van Vollen Hoven premio. E premio a wordo otroga dia 22 april 2022 aportando na e historia intangible di e edificio y di San Nicolas.
Feunte disconoci. Uncle Louis Store ta e tienda mey mey di e edifio cu ta na otro banda di O’Neils Caribbean Kitchen.
Leon Wacjberg a nace na 1894 na Polen y e a ricibi e number di cariño uncle Louis di su sobrinonan, yuinan di su ruman muher Miryam Rivkah cu a casa cu e PPA politico Juancho Irausquin, cu a resulta den e number di e edificio. Leon a muda di Colombia na Aruba casi sigur den e nan 1933. E a cuminsa bende tela for di un maleta cu e a carga den su man canado tur dia di porta pa porta den e solo cayente pa bende su comistibel. Despeus e a bende su tela for di e edificio cu bo por mira den e potret aki riba. Den e aña 1951 e a muda pa e edificio na otro banda di e caya cu e a laga constui. E edifio aki a bira un imperio pa tela. Hende di tur parti di e isla y di Corsow Y Venezuela tabata cumpra nan tela den San Nicolas. Uncle Louis Store taba e unico tienda cu tabata bende tela pa bachi pa hende homber. E tempo eye bio mop or a cumpra un bachi bo mester laga un hende cose pa bo. Leon a muri den 1966 lagando su casa Martha Strauss atras pa maneha e negoshi.
Martha y John Nisbeth, e empleado cu a traha mas largo pa uncle Louis. a maneha e tienda pa bienti seis aña mas. Martha a muri den e aña 1992 lagando John atras pa maneha e tienda te cu e wordo bendi. Gobierno a cumpa e edificio den e aña 1998 di e sobrino y sobrina di Martha, yuinan di suruman Ruchla. Despeus di cuarenta y sete aña Uncle Louis Store como tienda cu ta situa na Bernard van de Veen Zeppenveld straat cu e adres Bargestraat 6 a cera su porta pa publico.
E edificio a wordo usa pa Duana cu a sali for di e edificio aki den 2006. E edificio a keda bashi te cu e aña 2017 ora Monumenten Fonds Aruba a cumprele. Monumenten Fonds a laga Atelier ’89 hasi uso di e edificio te cu nan tabata ta cla pa renobele.
E restauracion di e edificio a wordo anuncia via di e corant Amigoe dia 15 di april 2019. E parti pafo di edifio a wordo restaura na su forma original. Gobierno di Aruba a huur e edifio pa bienti y cinco
aña y den cuminsaneto di e aña 2020 Departamento de Naturalesa y Ambiete (DNM) tuma lugar den e edificio aki.
Dia 22 di april 2022 Momumenten Fonds hunto cu e personan cu na un of otro forma a contribui na en restaoracion di e edificio hubto cu e empeadonan di DNM a bin huntu pa ta parti di e otrogamento di e Pieter van Vollen Hoven premio via zoom como e prome edificio di e islanan di e Reino Hulandes pa ricbi e premio aki.
Porta den e aña 2045 nos por mira e edificio aki atrobe wordo usa como un lugar unda e public por drenta, cana y sali libermente manera ami como un hoben di diesquater ana por a hasi den e ana 1971 admirando e tela bunita na benta y soniando di tur e paña cu mi por cose mirando mi mes bailando den mi hotpants nobo na un fiesta.
Pa collecta e information nesecario mi a hasi di desktop research usando buki, di archivo di differente organisacion y di historia oral cu a haya su forma den storianan chikito. Mi a interview famia, ex-epleado y ex-cliente di e Uncle Louis Store. Eski tabata: Linda Wacjberg, Arturo Desimone, David Ruben (Boopy) Groder, John Nisbeth, Leone Jansen, Joliet Pillai, Roosly Burke, Ursula Kock, Milva Margarita y Fidelia Wathey. E Information a wordo collecta during un period di seis luna.
Uncle Louis Store ta un bon ehempel di restauracion di un edificio pa tur esnan cu ta restorando un edificio. E ta parti di nos memoria collectivo cordando nos riba nos pasado y e San Nicolas tan stima.
Valentino William Peterson conoci pa tur como Val a wordo condecora den nomber di nos Rey Willem Alexander dia 26 di april 2022 na Mariotte Hotel aportando na su herencia intangible personal y di San Nicolas. Val a nace, lanta y ta biba na San Nicolaas.
Leon Wacjberg, tambe scirbi como Waitzberg, e prome doño di Uncle Louis Store y Valentino Peterson tur dos tin un historia largo como parti di San Nicolas.
Adidas 297. Val running.
Val Peterson a nace y lanta na San Nicolas unda e te bib ate cu e dia di awe. Como hoben di diestres aña e a participa na e wegana di baseball cu e tempo eye tabata e sport mas ehucuta na nos isla. Den e añanan setenta Val a hunga van A y AA-klasse. Despeus Val mest a bira un master den e wega di baseball e a cuminsa coach otronan.
Desde 1983 e a coach hungador di e sport aki entre 15-40 aña di edad. E a decica bintiun ora di su tempo rpiva como coach y mentor. Val a stop cu esaki den 2016. En total Val a decica trinta y tres aña na hendenan cu ta ehucuta e sport di baseball y e a coah y mentor mas o mensos sincocien persona.
Desde 1993 Val a wordo electa pa e function di as Vice-presidente di e bestuur di Amateur Baseball Bond Aruba (ABBA). Na e momento eye e bond a consisti di dies siete teams. Val a decida sinco ora pa siman den e function di bestuur.
Den 1995 Val a join e bestuur di Centro di Bario Lago Heights (CBLH) unda e a functiona como miembro pa mas cu 23 aña. Val tambe a functiona como commissaris pa mas cu 15 aña. E tabata e persona engarga cu tur cos cu a encera e feld di baseball di e centro di barrio aki. Na 2019 Val a inscirbi su nietonan na Aruba Triathlon Association (ATA) y e a cuminsa traha como boluntario. E a coach esnan cu ta tumando parti na e tres sportnan y e a mira pa tur hende ta safe ora di core bais riba caya. Asta cu nan a dunele e nomber di “Safety Officer”. Val no por a laga pa di bira boluntarion di Sportsz 4 U unda e a coach e deportistanan y e a avisa e bestuur.
Despeus is trinta y tres aña di coaching y binti ocho aña di participaition den en bestuur di ABBA val a stop cu e trabow voluntaio aki. Den tur Val a decica 50 aña di su tempo liber na e sport de baseball.
Mistras cu Val tabata collectando informacion di otro persona pa nan wordo condecora den e Orde van Oranje Nassua Val no tabata sa cu su casa Geertruida, di casi quarenta y cinco aña di matrimonio mihor conoci como Tida, y su prima Lilly tambe tabata collectando informacion pa Val wordo condecora.
Debi na e tarbou di e dos damanan aki Val a wordo condercora dia 26 di April 2022 pa su tabouw como boluntario den e communidad di San Nicolas.
E informacion collecta tabata basa riba historia oral y cartana scirbi pa e Kanselarij der Nederlandse Orde di Amateur Baseball Bond Aruba (ABBA), Foundation Centro di Bario Lago Heights (CBLH), Aruba Triathlon Association (ATA) y Sportsz 4 U.
Lilly Peterson a inicia e plan, Freddy Refunjol ex-gobernador y amigoe di Val desde cu nan tabata mucha a indica e cambida pa cana, Tida tabata e forsa mas grandi tras di e projecto chikito aki. E informacion necesario a wordo collecta dentre sete dia durante un period di dos siman.
Durante te tempo mentiona aki riba Val a casa y e ta tata di tres yui y welo di dos nieto. Su tabou ta saca deuk y spuit auto. Val a perde su Tata un dia riba e otro. Desde Val a bai biba riba su mes e a bishita su mama tur dia y esaki a keda mescos durante henter e period cu su mama taba malo y biba den Mari Stella te cu e amuri den e aña 2021.
So bo kier topa cu Val bo lu hanyele na un intiero na San Nicolas. Val conoce tanto hende cu casi tur dia e ta na intriero extendiendo su man den condolencia.
Awo Val ta e forsa di unidad pa esnan bibando na San Nicolas y cu kier mira e communidad bai dilanti. Mi ta suplica tur hende pa join Val cu su esfeurzo aki. Conhuntamente nos por logra mehora e situacion social, ambiental y economico pa henter e comminidad di San Nicolas.
Creado un communidad den bon salud, cu ta percura pa su bisiña, cuidando e naturalesa y manteniendo e cayanan limpi, bahando e nivel di crimen, subiendo e nivel di e economia, cambiando pa un economia circular cu ta sostenibel y manteniendo e cultura y autenticidad di San Nicolas.
Ami mes a nase na e clinica di dr. Volmer na Trompstraat. Mi a biba y lanta na Wegkust Batterij 13A. Como un persona cu tin San Nicolas na pecho mi ta orguyoso di a hasi e investigacion riba e dos topiconan menciona aki riba. Cu mi sincuenta y ocho aña mi a bai Hulanda pa studia museologia na e academia mas renombra den e area aki cu ta e Reinwardt Academy na Amsterdam Hulanda. Mi a sigui les den un grupo chikito di dies persona cu e mayoria di nan a bin di un continente differente.
Mi a cana stage na e Tropen museum cu a encera e museo na Amsterdam, Leiden, Rotterdam y Nijmegen. Mi a analisa e objectonan Arubano y mi a avisa con pa crea exhibicionan riba topiconan otro cu riba slabitud so. Mi thesis mi a yama “At Home” the sense of belonging of the first generation Afro-Aruban whose parents came to work in the Lago Oil Refinary and Transport Company Ltd. Den 2018 cu mi setenta aña mi a ricibi mi master’s.
Mi investigacion riba e herencia intangible di e edificio di Uncle Louis Store ta mi prome inestigacion cu mi a hasi despeu su mi a ricibi mi diploma como museologo, investigador di cultura.
Mi ta spera cu den futuro cerca lo mi haya e possibilidad di Monumenten Fonds Aruba atrobe of cualkier otro organisasion of persona cu ta restaura edificio pa mi hasi mas investigacionan riba edificionan den e mainstreet di San Nicolas y tambe riba edificio den e barionan. Asina aportando den e registracion di nos herencia intangible di San Nicolas.
E mayoria di e casnan na San Nciolas ta mas cu 50 aña bieuw cu otro palabra henter San Nicolas por wordo mira como un museo cu e casnan como objeto. Renombrando edificio bek den nan estatua original ta aumenta e autenticidad di San Nicolas cu ta bon pa nos identidad y economia turistico.
Percura pa ora di mantencion di bo cas pa e keda den su forma original. Ora di mantene bo cas please tene cuanta cu e ta parti di bo identidad, e ta forma parti di bo sinti di pertenece na un lugar (sense of belonging). Bo cas ta parti di e historia tangible di San Nicolas cu ta forma e identidad di nos cuidad cu nos no kier perde y cu canino nos ta referi na dje como San Nicolas e Sunrise city di Aruba.
