Ex promer minister di Curacao Sr. Gerrit Schotte a bisa diahuebs merdia cu el’a topa un otro obstaculo. Awor Orco Bank a laga cera su cuenta y e no por ricibi donacion mas na e cuenta aki pe manda pa Ministerio Publico. Schotte mester paga bek dentro di 7 dia 1.7 miyon of e mester bay sinta 3 aña atrobe den prison.
E ta purbando di haci un coleccion den pueblo di Curacao, pa transfer donacion pa su cuenta, pa asina e mande pa Ministerio Publico. Aki atrobe por mira cu ta bolbe frustra su intencion, pa cual awor e no por ricibi donacion electronico. El’a bisa cu e tin pensa di bay sinta bao di un tent riba caya pa ricibi e cen na cash, pa asina hibe Ministerio Publico.
E 1.8 miyon cu ta cobrando Schotte, ta tur e placanan cu el’a haya for di comerciantenan pa core campaña desde 2010 enadelante cu su partido MFK.
