Fiscal Patrick van der Biezen tabata autocritico riba e investigacion: 

Fiscal Patrick van der Biezen cu ta vocero di fiscalnan di Ministerio Publico a bisa diabierna atardi cu e investigacion di e caso di asesinato di Poentje Castro no a bay manera debe ser.  “E por tabata mihor”.  E parti investigativo no tabata optimal.   Tambe e fiscal cu e tempo ey tabata encarga y cu mester a guia e investigacion, por a haci un mihor trabao.   Awe nos ta wak bek,  basta aña pasa y por bisa esaki.   

Esaki ta un autocritica di propio Ministerio Publico riba su fiscalnan cu a lidera e caso aki na 2010/2011.   

E declaracion aki ta laga SOLO DI PUEBLO conclui cu si tabatin un mihor investigacion desde 2010, lo ya caba por a yega na un resultado pa e caso aki y no mester a transcuri 10 aña.    E critica aki ta den direccion di tanto e fiscal cu tabata encarga e tempo aya como tambe e team di polis y recherche di e tempo aya cu tabatin e caso bao di nan encargo.