Den luna di april 2022 nos turismo a surpasa cifranan di april 2019! A registra un recuperacion di 108%.
Nos mercado mas grandi y importante cu ta e mercado Mericano a mira un recuperacion di 114% den april 2022 den comparacion cu april 2019. Aruba a ricibi den april 2022, 101.696 turista vs 93,953 den april 2019. Un crecemento di 7.743 turista.
Ta importante pa remarca cu Aruba ta e di 2 pais na mundo cu a recupera su turismo di e forma aki. Esaki ta demostra nos resiliencia, e maneho cu nos a bin ta hibando, e partnership y bon cooperacion den e sector di parti ATA, APA, AAA, AHATA y ATSA pa logra esaki.
Nos ta sigui focus pa sigui crece.
