Directiva di Lotto pa deporte a suspende Sr. Tuitt y mande cas dialuna. Asina prensa a raporta y SOLO DI PUEBLO a logra haya confirmacion.
Motibonan no ta conoci. Hecho ta cu ta trata di un suspencion y no cu el’a wordo kita di trabao.
Sr. Tuitt semper a sali na defensa di Lotto, apesar di tur e maneho robes cu a ser hiba.
El’a defende e contract cu Canada, cu ta gosando di 11 miyon florin pa aña.
Den temporada di eleccion el’a canta e retorica di AVP, pretendiendo cu ta gobernacion di Mep a laga Lotto den bancarota, siendo e no tin rason y sa masha bon tambe!
Tambe el’a defende cu actualmente Lotto ta draai bon, siendo cu cifranan ta mustra cu Lotto ta draai pesimo y no ta pagando su aporte na deporte y pesey deporte ta sangra.
Te hasta rapport di accountant ta mustra cu Lotto a yega na e punto di bancarota.
E mentalidad so di defende malicia ta bisabo cuantor tin.
Te mes un director cu apenas e Direcitiva nobo a sinta, el’a bay huur compania di Patrick Paskel pa cobra miles y miles di florin pa traha un video, unda e miembronan bieuw di Lotto a duna speech bunita, casi mescos cu ta “corona di reina” nan tabata bahando, yena cu mentira y soketada.
Cu a suspende Tuitt, ta pasobra algo mester tin. Spera di tende pronto mas detayes di esaki.
Den Lotto, algun empleado a bisa: Arogancia a yega su fin.
