Secretario di Estado Van Huffelen ta duna espasio pa para recorte salarial di 12,5%

Secretario di Estado Alexandra van Huffelen (Relashonnan den Reino) kier brinda espasio na e paisnan pa para e recorte di 12,5% riba salario. A introdusí e recorte riba salario na mitar di aña 2020 como consequencia di e pandemia di corona como muestra di solidaridad pa reduci gasto di gobierno na e paisnan. Secretario di Estado ta haña ku awor cu costo di bida diario a aumenta mas y mas, mester reconsiderá e recorte salarial di 12,5%.

Van Huffelen: “Costo di bida normal a aumenta drásticamente último tempo entre otro pa motibu di e guera na Ukrania. Hopi hende ta lucha cu gasto halto di por ehèmpel producto di alimentación y huur. Ademas, awor cu e exonomia ta recuperando e exigensia pa reduci salario cu 12.5% no tin mes un peso masckompará cu e aumento di costo di bida. Banda di esaki, pa contratá personal ta bira kada bes mas difísil, miéntras bon personal ta di gran importansia. Cu esaki mi ke duna e mandatarionan espasio pa segun propio ritmo, eliminá e 12,5%.”

E condishon mas importante pa eliminá e recorte di 12,5% riba salario segun propio ritmo ta cu mester cumpli cu e palabracion hasí anteriormente pa realisá un norma pa e entradanan halto (topinkomens) y e recorte riba salario di político ta keda, esta na 25%.
Durante di e reunion di conseho di minister di Reino dia 25 di mei lo atendé e tema di eliminacion di e 12,5%.
Otro siman, Sekretario di Estado Van Huffelen (Relashonnan den Reino) ta na e parti Caribense di Reino. For di dialuna 23 di mei te diabierna 27 di mei e ta biaha pa Aruba, Curacao y Sint Maarten pa topa y pa scucha kico ta soño y preocupación di cuidadanonan, comersiante-, boluntario- i organisashonnan sosial riba e islanan.