Diahuebs den careda di 2’or di merdia, un taxista atento a mira con tres hoben a horta un tas di turista na Arashi. E la mira tambe cu e tres hobennan a subi den un Suzuki Swift y a bandona e sitio.
Mesora e taxista a avisa polis y a sigui e Suzuki Swift. Na caminda e taxista a nota cu e hobennan a tira un tas pafo di e auto. E taxista a avisa polis y pasa coy e tas y a entregue den man di polis.
Un poco pazuid di e saliña na Kamay polis a logra para e auto y a detene tur tres hoben cu tabata aden. E auto no tabata pertenece na nan y no kier a bisa di ken e auto ta.
Mientrastanto un otro patruya a yega cu un tas di hende muhe cu lo a wordo benta door di e trio aki for di e Suzuki Swift cu nan tawata aden.
Mientras cu polisnan tawata wardando ariba transportwagen a rista den e vehiculo y a confisca cellular/nan tambe.
Tur tres hoben a wordo hiba Strand Politie unda cu un Sub Fiscal lo dicidi kiko ta bay pasa cu nan.
