E edicion di e revista di luna di Mei di Food & Wine ta inclui Aruba Ariba Cocktail riba e portada hunto cu un descripcion di e cocktail su ingredientenan. E revista adicionalmente ta menciona Hilton Aruba Caribbean Resort & Casino cu e cocktail, dunando lesadonan un mapa cu guia riba e cocktails di mas famoso den Caribe, incluyendo propiedad ruman Caribe Hilton su Piña Colada. Hilton su ‘Aruba Ariba’ ta subraya como e isla su cocktail di mas popular, inventa pa bartender Juan ‘Jocky’ Tromp ora e tabata tin 24 aña di edad.
Durante un concurso di mixologia na Aruba Caribbean Hotel, Juan ‘Jocky’ Tromp tabata un di e participantenan. Su bebida special ta esun cu a sobresali como esun miho.
E receta original, cual a wordo crea 59 aña pasa riba un papel di napkin blanco, ta inclui vodka y rum blanco, combina cu Crème de Banana, cu un tiki Grand Marnier, fruit punch, lamunchi, pineapple, orange juice y grenadine syrop. Te dia di awe e ta un bebida delicioso y refrescante, pero esnan cu bebe mester tene cuenta pasobra e ta fuerte!
E storia riba e revista ta inclui un receta na con pa trah’e bo mes pa asina nan por disfruta di e sabor di One Happy Island na nan hogar.
Food & Wine ta e revista culinario lider na Merca cu un circulacion di 935,481. Sarah Greaves-Gabbadon ta e contribudor di e revista, el a bishita Aruba na Augustus 2021.
