Tin un lider politico cu kier drenta pueblo atrobe, e biaha aki bisando cu e ta un homber comun. Un homber comun, pues un hende di pueblo, cu kier cosnan comun.
Ora bo tende e propaganda, e ta casi lagabo kere cu dicho persona a converti, cu el’a laga su mala maya y su mal practicanan di loke el’a haci durante 8 aña di su gobierno.
E tempo aya un locutor di radio tabata cobra 15 mil pa luna, y un fotograaf, Juan Sebastian, procedente di Colombia, a haya un salario di Afl. 27.500 florin pa luna.
Pueblo a lubida?
Awor e ta presenta su mes como hende comun! Pero ora e mester a corta salarionan abusivo di 55 mil pa luna, ata su mascarada a cay y ate ta defende salario di 55 mil florin. Con comun bo por ta?
Tur esaki net mei mei di un condicion di Hulanda pa debolbe e ambtenaarnan 12.6% di salario. Pues, enbes di kies pa fix bek e salario di ambtenaarnan, e homber comun a laga ambtenaarnan na caya, pe bay defende salario di 55 mil.
Ainda tin hende ta kere den homber comun?
