Gibi Gilbert Dirksz ta a e inspiracion nobo di Aruba. Un persona sobrepeso, cu a haye te na hospital cu algun enfermedad, y cu awor kier cambia su estilo di bida. Dokternan a bise: “Gibi, bo mester baha peso”. For di e momenton ey, el’a join su colega Rambo, cu a bira su trainer. Paso a paso, poco poco Gibi a cuminza train y ta mustrando un cambio di bida. Diadomingo ela pone otro meta: cana di anker na Colony pa Anker na Cas Ariba. El’a logre satisfactoriamente. Pabien Gibi, nos ta cubo. No laga nada kibrabo.
