Pa casualidad Mike tambe a pidi reubion ?
Sindicatonan den negacion pa e situacion di Aruba un bes mas a yama reunion diahuebs atardi, pa anuncia plan menos bon pa otro siman.
Husto na e momento ey, AVP ta yama reunion riba costo di bida.
Esaki no ta un coincidencia, sino un master plan pa bolbe subi caya, welga, hasi desordo y destabilisa Aruba.
Prijs di awa y coriente ta mara na prijs di azeta:
E ta un hugada hopi baho di sindicatonan cu ta usa prijs di awa y coriente pa tira culpa riba gobierno.
Prijs di awa y coriente ta mara na prijs di azeta. Ningun gobierno na mundo tin control y por carga e subida di prijs di azeta.
Trece un reclamo asina, ta mescos cu bo ta bin den denial. Bo ta wak e situacion pero kier haci muchachada.
Reforma BTW:
Un otro keho cu nan a trece ta BTW. Sindicatonan sin sa kico btw ta contene, ya kier destabilisa Aruba. Ni sikiera nan a scucha kico e ta encera. Con bo por forma un opinion sin cu ba scucha net nada ainda?
Kisas ta oportuno pa rebeldia y sigui instruccion politico pa bay causa instabilidad?
Derecho di salario;
Naturalmente tur hende ta di acuerdo cu ambtenaarnan merece haya nan salario bek y ya caba nan a cobra 5% na aug, y na januari 2023 lo paga na rason di 100%.
Esaki ta e forma con gobierno a por a page bek.
Curacao y Sint Maarten:
Mientras cu sindicatonan mes ta gusta wak direccion Curacao, mester puntra nan: Curacao cu Sint Maarten a cuminza paga bek e 12.6%?
Segun nos, nan no a cuminza paga bek. Pues Aruba atrobe ta un stap dilanti.
Destabilisa:
Den seno sindical nos por a scucha di un cantidad di plan pa pone gobierno bao presion. Planesnan oscuro y baho! Esaki no ta nada otro cu agenda politico cu sindicalistanan ta sigui.
Pa casualidad Mike a pidi reunion:
Ken ta kere cu ta pa casualidad Mike a pidi reunion? 1 + 1 = 2! Nan ta organisando e destabilisacion pa wordo ehecuta! Ta condenabel cu sindicalistanan ta laga nan mes wordo usa pa politikeria atrobe!
