Ex minister Otmar Oduber a bay corte contra Ministerio Publico pa un suma di placa cu a wordo tuma den beslag di su persona na aña 2019. Tabata algun siman pasa cu husticia a yama Otmar pa busca tur su administracion y pertenencianan tuma den beslag, pero no a debolbe un suma di placa riba su cuenta bancario, cual a keda bao beslag.
A cuminza un procedura pa pidi huez pa ordena OM pa kita e beslag y entrege tambe e suma di placa.
Motivacion tabata cu durante su dianan encarcela, ningun dia a bini ningun pregunta, of indicacion cu e suma di placa aki ta lo ta producto di corupcion. Es mas, ni skikiera a a haci pregunta.
Como tal huez a bisa cu e derechonan di Ministerio Publico tampoco ta inlimita. Pues como cu nan no tin motivacion pa keda wanta e placa, huez a ordena pa libera e beslag de imediato y asina awe 18 di Augustus 2022, of asina cu e sentencia wordo entrega, OM mester lanta e beslag y Otmar Oduber por dispone di su cuenta.
