Un ves mas ta proba cu WEB Aruba NV a negocia un bon acuerdo cu Eagle LNG. E anuncio di un otro parke di molina di biento, ta nifica cu WEB ta keto bay dicidi riba energia limpi. No ta asina manera cu Benny Sevinger a anuncia poco dia pasa, cu e contract di Eagle LNG ta stroba tur otro projecto di energia limpi. Alcontrario, WEB por crea un balanse y ta WEB ta dicidi na final ta cuanto gas e ta cumpra di Eagle LNG y e cantidad aki por varia. Cu e proyecto di energia di biento, ta considera esey como un projecto 100% limpi cu no ta emiti carbon den aire. LNG Gas maske ta mas limpi, e ta keda un fossil fuel, pero entodo caso lng gas tambe ta wordo considera como un energia limpi, mirando cu su impacto no ta dje tanto ey riba naturalesa y calentamento mundial. Den e caso spesifico aki, por tuma nota cu WEB no tin exclusividad cu EAGLE LNG. Pues WEB por keda introduci su projectonan limpi. Ta muestra cu loke Benny Sevinger a declara algun dia pasa, tabata nada otro cu coy loco.
