Via molina di biento Aruba lo por haya entre 90 cu 100 MW di coriente
Dialuna mainta Minister di Energia Sr. Glenbert Croes a tene un rueda di prensa pa asina anuncia e di dos parke di molina di biento na Rincon. Esaki ta keda serca di Vaderpiet. Cu e di dos parke aki di molina di biento, esaki lo bay boost e total di mw cu Aruba lo haya via di energia di biento, o sea energia limpi. Manera ta conoci, energia di biento ta limpi y tambe su prijs ta stabiel. Esaki lo libra nos di e prijsnan volatil di fuel oil.
Aparte di e energia di biento, lo tin tambe energia solar y hunto cu lng gas, esaki lo libra Aruba di emiti carbon den aire, pa asina stop di contribui na calentamento mundial.
E plan aki ta forma parti di e vision di energia di Gabinete Wever Croes cu desde e cartera di energia tabata bao encargo di Sra. Wever Croes, a traha riba e plan aki.
Mester enfatisa cu hopi otronan a papia di energia limpi, pero no a haci mucho. A tene varios conferencianan green, pero sin resultado concreto pa pais Aruba.
Por nota cu Gabinete Wever Croes no ta haci show, pero ta traha!
